કચ્છ : પાકિસ્તાની બોટમાંથી 175 કરોડ રૂપિયાનાં ડ્રગ્સ સાથે પાંચ લોકોની ધરપકડ

કચ્છ : જખૌની દરિયાઇ સીમામાંથી પાકિસ્તાની બોટમાંથી 175 કરોડ રૂપિયાનું ડ્રગ્સ ઝડપાયું છે. આ બોટમાં પાકિસ્તાનનાં પાંચ ડ્રગ માફિયા પણ ઝડપાયા છે. ગુજરાત એટીએસ, કોસ્ટગાર્ડ અને એસઓજીની સંયુક્ત કામગીરીને કારણે આ કાવતરૂં ઝડપવામાં સફળતા મળી છે.

આ મામલે મળતી માહિતી, પ્રમાણે આ ડ્રગ્સ લઇને આવતા 5 લોકો કરાંચીનાં છે. આ લોકો 35 જેટલા ડ્રગ્સનાં પેકેટ લઇને આવી રહ્યાં હતાં. તેઓ પશનીથી (ઇરાની સીમા) ડ્રગ્સનું કન્સાઇન્ટમેન્ટ લીધુ હતુ અને તેને ગુજરાતમાં ડિલીવર કરવાનું હતું. ગુજરાત એટીએસ પાસે આ અંગેની બાતમી મળી હતી જેના આધારે આ આખુ ષડયંત્રનો પર્દાફાશ થયો છે. આ ડ્રગ્સ ગુજરાતમાંથ વિદેશમાં લઇ જવાનું આયોજન હતું.