સેન્સર બોર્ડે 'બાર બાર દેખો'ના બ્રા બતાવતાં અને 'સવિતા ભાભી'નો ઉલ્લેખ કરતા સીન દૂર કરવા કહ્યું

મુંબઈઃ સેન્ટ્રલ બોર્ડ ઓફ ફિલ્મ સર્ટિફિકેશન (સીબીએફસી)એ ફિલ્મ 'બાર બાર દેખો'ના કેટલાક સીન્સ સામે વાંધો ઉઠાવ્યો છે, જેથી ફિલ્મ મેકર્સ નારાજ છે. ફિલ્મ ડિરેક્ટર નિત્યા મેહરા સેન્સર બોર્ડ પાસેથી U/A સર્ટિફિકેટ ઇચ્છતાં હતાં, પણ સેન્સર બોર્ડે ફિલ્મના કેટલાક સીન્સ સામે વાંધો ઉઠાવ્યો છે. આ સીન્સમાં મહિલાઓએ બારમાં બ્રા પહેરી છે. જોકે આ સીન્સને ફિલ્મમાંથી હટાવી દેવાયાં છે. સેન્સર બોર્ડ દ્વારા સૂચવાયેલા બે સીન્સને કટ કરવામાં આવ્યા બાદ તેને U/A સર્ટિફિકેટ આપવામાં આવ્યું છે. ફિલ્મમાં એક બ્રાના સીન અને કોમિક બુક પોર્ન કેરેક્ટર 'સવિત ભાભી'ના ઉલ્લેખ સામે સેન્સર બોર્ડે વાંધો ઉઠાવ્યો હતો. સૂત્ર અનુસાર, 'સવિતા ભાભીનું નામ ફિલ્મના એક સીનમાં મજાકિયા અંદાજમાં લેવામાં આવ્યું છે, પરંતુ સેન્સર બોર્ડે તેને પણ દૂર કરવા કહ્યું હતું.

બીજી તરફ 'બાર બાર દેખો'ની ટીમ સેન્સર બોર્ડના નિર્ણયથી નારાજ છે. તેમનું કહેવું છે કે, 'આપણે એવા યુગમાં જીવી રહ્યા નથી, જ્યાં વીમેન્સ લિંજેરી વિશે જાહેરમાં વાત કરી શકાતી નથી. જોકે ફિલ્મની ટીમનું કહેવું છે કે, જો પોર્નનો ઉલ્લેખ વાંધાજનક લાગતો હોય તો પછી 'ફ્લાઇંગ જટ'માં પોર્ન સ્ટાર રહી ચૂકેલી સની લિયોનીના ઉલ્લેખ સામે કેમ વાંધો ન ઉઠાવાયો. ફિલ્મ 'બાર બાર દેખો' નવમી સપ્ટેમ્બરે થિયેટર્સમાં રિલીઝ થશે. હાલ તો આ રોમેન્ટિક ડ્રામાનું ગીત 'કાલા ચશ્માં...' હિટ જઈ રહ્યું છે. ફિલ્મમાં સિદ્ધાર્થ મલ્હોત્રા અને કેટરીના કૈફે ઘણા બોલ્ડ સીન્સ આપ્યા છે.