Indian Idol 11 શોના વિનર બન્યા સની હિન્દુસ્તાની, પોતાના નામે કરી આ સીઝનની ટ્રોફી

ઇન્ડિયન આઇડલ 11ની ફાઇનલ ધૂમધામથી મનાવવામાં આવી. સંગીતના આ મહાસંગ્રામમાં સૂરોના મહારથિઓ વચ્ચે જોરદાર મુકાબલો જોવા મળ્યો. ઇન્ડિયન આઇડલની આ સીઝનમાં લાંબી સફર ખેડનાર કલાકારોનો સપોર્ટ કરવા માટે તેમના પેરેન્ટ્સ પણ આવ્યા હતા. આ વર્ષે ઇન્ડિયન આઇડલના વિજેતા સની હિન્દુસ્તાની બન્યા છે.

સની હિન્દુસ્તાનીને ઇન્ડિયન આઇડલ 11ની ટ્રોફીની સાથે 25 લાખ રૂપિયાનું ઇનામ મળ્યું. ત્યારબાદ પહેલા અને બીજા રનરઅપને 5-5 લાખ રૂપિયા આપવામાં આવ્યા. પહેલા રનરઅપ રોહિત રાઉત રહ્યા. ઓંકના મુખર્જી બીજા રનરઅપર રહ્યા. ત્રીજા અને ચોથા રનરઅપ આદ્રિજ ઘોષ અને રિધમ કલ્યાણ રહ્યા.

ગ્રાન્ડ ફાઇનલમાં કંટેસ્ટેન્ટ્સે પુરા ઉત્સાહથી પરફોર્મ કર્યું. ઇન્ડિયન આઇડલના ટોપ 5 કન્ટેસ્ટેન્ટની વાત કરીએ તો તેમાં ભટિંડાના સન્ની હિન્દુસ્તાની, લાતૂરના રોહિત રાઉત, અમૃતસરના રિધમ કલ્યાણ, કોલકાતાના અદ્રિજ ઘોષ અને ઓંકના મુખર્જી જગ્યા બનાવવામાં સફળ રહ્યા. બંગાળની ઓંકનાને સારો દર્શકોને પ્રેમ મળ્યો. તે વાઇલ્ડકાર્ડ એન્ટ્રી દ્વારા શોમાં દાખલ થઇ હતી.

ઇન્ડિયન આઇડલના ગ્રાન્ડ ફાઇનલમાં એક્ટર આયુષ્માન ખુરાના પોતાની ફિલ્મ શુભ મંગલ જ્યાદા સાવધાનના પ્રમોશનને લઇને પહોંચ્યા હતા. આ દરમિયાન તે ફિલ્મના કાસ્ટ સાથે નજરે આવ્યા. એકટ્રે કન્ટેસ્ટેન્ટ્સનું મનોબળ વધારવા અને સાથે એક મોટી જાહેરાત પણ કરી. તેમણે કહ્યું કે જે પણ ઇન્ડિયન આઇડલના વિજેતા બનશે તેને ટી-સીરીઝની આગામી ફિલ્મમાં ગાવાનો મોકો મળશે.