જુનાગઢ: વંથલીના બરવાડા ગામે પથ્થરની ખાણમાં બ્લાસ્ટ બાદ 21ને ઝેરી અસર

બ્લાસ્ટના કારણે આસ પાસના વિસ્તારોમાં અસર

ગઈકાલે વંથલી તાલુકાના બરવાળા ગામ નજીક આવેલ પથ્થરની ખાણમાં બ્લાસ્ટ કરાતા ઝેરી ગેસનીઅસર થતા 21 લોકોને શ્ર્વાસ લેવામાં તકલીફ સાથે ઊલ્ટીઓ થતા 108માં જુનાગઢ સરકારી દવાખાને ખસેડવામાં આવ્યા હતા.

વંથલીના બરવાળા (રવની) ગામ તરફ કાળા પથ્થર ભરડીયાની ખાણ ચાલુ છે. ગઈકાલે બપોરના સમયે ખાણમાં પથ્થર તોડવા માટે બ્લાસ્ટ કરવામાં આવેલ જેની ઝેરી અસર ગેસની આજુબાજુની વાડીઓમાં તેની અસર થવા પામી હતી. જેમાં 21 લોકોને શ્ર્વાસ લેવાની અને ઉલ્ટીઓ થવા પામી હતી. વધુ અસર જણાતા તાત્કાલીક 108માં જુનાગઢ સિવિલમાં ખસેડવામાં આવ્યા હતા.

અસર પામેલાઓમાં જીલબેન અશ્ર્વિનભાઈ પીઠીયા (ઉ.10) સોલંકી દીપ્તીબેન અરસીભાઈ (ઉ.17) ભીનીબેન વરમભાઈ પીઠીયા (ઉ.55), સોલંકી હીનાબેન અરસીભાઈ (ઉ.15) લક્ષ્મીબેન પીઠીયા, અંજલીબેન પીઠીયા (ઉ.18) અશ્ર્વિનભાઈ વીરમભાઈ પીઠીયા (ઉ.38), હમીરભાઈ પીઠીયા (ઉ.35) પ્રિયાબેન અશ્ર્વિનભાઈ પીઠીયા (ઉ.14), વીરમભાઈ ગોવિંદભાઈ પીઠીયા (ઉ.58) જશુબેન હમીરભાઈ, હીનાબેન અરસીભાઈ, ભાવેશ મેરામણ સહિત 21ને જુનાગઢ સરકારી હોસ્પિટલમાં ખસેડવામાં આવ્યા હતા.

અશ્ર્વીનભાઈના જણાવ્યા મુજબ અવારનવાર બ્લાસ્ટ થતો હોય તેની પરેશાની આજુબાજુમાં થાય છે. તંત્રને વારંવાર રજુઆતો કરવા છતા કોઈ પગલા લેવામાં આવતા નથી.