લગ્નના 10 વર્ષ પછી કોંકણા સેન શર્મા-રણવીર શૌરીએ દાખલ કરી છૂટાછેડાની અરજી

બોલિવૂડમાં કપલ્સ વચ્ચેના સંબંધો બનતા અને બગડતાં વાર લાગતી નહીં. એવા જ બોલિવૂડ કપલ્સમાંથી એક કોંકણા સેન શર્મા અને રણવીર શૌરીએ લગ્નના 10 વર્ષ પછી અલગ થવાનો નિર્ણય લીધો છે. આ બંનેએ ડિવોર્સ માટે ઓફિશિયલી અરજી ફાઈલ કરી દીધી છે. લગ્નના 5 વર્ષ પછીથી આ બંને કપલ અલગ-અલગ રહેતા હતા. વર્ષ 2015માં આવેલી ફિલ્મ તિતલીના ટ્રેલર લોન્ચ વખતે રણવીર શૌરીએ પોતે આ સેપરેશનની વાત કન્ફર્મ કરી હતી. રણવીરે જણાવ્યું કે તે હવે કોંકણાથી અલગ થઈ ગયો છે અને આ સંબંધ તૂટવા પાછળ રણવીર શૌરીએ પોતાને જવાબદાર બતાવ્યો હતો.
 
સ્પૉટબોયએ જણાવ્યા પ્રમાણે, કોંકણા સેન શર્મા અને રણવીર શૌરીએ હવે ઓફિશિયલી અલગ થવાનો નિર્ણય લીધો છે. આ બંને તમામ ફોર્માલિટીપૂરી કરી દીધી છે. એવું કહેવાઈ રહ્યું છે કે, આગામી 6 મહિનામાં કોર્ટનો આર્ડર આવી જશે. મળતી માહિતી મુજબ, ડિવોર્સ ફાઈલ કરતાં પહેલાં કોંકણા અને રણવીરે કાઉન્સિલિંગની મદદથી આ સંબંધને બીજો મોકો પણ આપવાનો પ્રયાસ કર્યો હતો પરંતુ તે પણ કામ ન આવ્યું અને બંનેએ ડિવોર્સ લેવાનો નિર્ણય લીધો.

રણવીર શૌર અને કોંકણા સેન શર્માનો 6 વર્ષનો પુત્ર પણ છે. બંનેએ પરસ્પર સંમતિ સાથે બાળકની જોઇન્ટ કસ્ટડી રાખી છે. સંબંધ ખરાબ થઈ ગયા હોવા છતાં બંને મળીને તેમના પુત્ર હરુનનું ધ્યાન રાખી રહ્યાં છે.

કોંકણા સેન અને રણવીરે વર્ષ 2010માં લગ્ન કર્યા હતા. તેમણે ટ્રાફિક સિગ્નલ, મિક્સ્ડ ડબલ્સ જેવી ફિલ્મોમાં સાથે કામ પણ કર્યું છે. ફિલ્મોમાં સાથે કામ કરવા દરમિયાન જ બંને એકબીજાના પ્રેમમાં પડ્યા હતા અને પછી બંનેએ લગ્ન કરવાનો નિર્ણય લીધો હતો. જોકે, લગ્ન પહેલા જ કોંકણા પ્રેગ્નેન્ટ થઇ હોવાને કારણે ચર્ચામાં રહી હતી. છેલ્લી વખત કોંકણા અને રણવીર વર્ષ 2016માં આવેલી ફિલ્મ ડેથ ઈ અ ગંજમાં સાથે જોવા મળ્યા હતા.