સામાન ગુમ થતા એરલાઇન્સ પર ભડકી એક્ટ્રેસ, ટ્વીટર પર વ્યક્ત કર્યો ગુસ્સો

બોલિવુડ સ્ટાર્સ ઘણીવખત પોતાની મુસાફરી કરતી વખતે મુશ્કેલીઓનો સામનો કરતા હોય છે. સામાન્ય લોકોની જેમ તેમને પણ પોતાનો સામાન ખોવાઇ જવાનો ભય રહેતો હોય છે. કંઇક એવી જ ઘટનાનો સામનો બોલિવુડની એક્ટ્રેસ કૃતિ ખરબંદાએ કર્યો.

કૃતિનો સામાન Air India ની ફ્લાઇટમાં ટ્રાવેલ દરમિયાન ગુમ થઇ ગયો. એક્ટ્રેસ મુજબ એરલાઇન્સની બેદરકારીના કારણે તેનો સામાન ગુમ થયો, એવામાં કૃતિએ સોશ્યલ મીડિયા પર Air India ની ક્લાસ લગાવી દીધી.

કૃતિએ પોતાનો સામના ચોરી થવાની જાણકારી પોતાના ઑફિશ્યલ સોશ્યલ મીડિયા સાઇટ ટ્વીટર પર આપી છે. તેણે Air India ને ટેગ કરતા લખ્યુ, ''ડિયર Air India , એકવાર ફરી મારો સામાન ગુમ કરવા પર તમારો આભાર અને કદાચ તમારે પોતાના સ્ટાફને બેસિક મેનર્સ શીખવવા જોઇએ. ''

જોકે આ પછી Air Indiaએ ટ્વિટર પર એક્ટ્રેસને જવાબ આપતા કહ્યુ કે, મહેરબાની કરીને અમારી માફી સ્વીકારો. પ્લીઝ અમને પર્સનલ મેસેજમાં તમારી ફ્લાઇટનો રેફરન્સ નંબર અને બેગેજનો ટેગ નંબર પણ મોકલી આપો. આ ઉપરાંત ફ્લાઇટની ડિટેઇલ્સ પણ મોકલો જેથી અમને તમારી બેગ સંભાળનારી ટીમ સાથે ચેક કરી શકીએ.

આ પછી કૃતિએ કહ્યુ કે, હું તમારી માફી સ્વીકાર કરુ છું. પરંતુ દુર્ભાગ્યથી હજુ સુધી મારી બેગની કોઇ જાણકારી નથી. આ ઉપરાંત તમારી મુંબઇ અને ગોવા એરપોર્ટ ટીમમાં એટલો શિષ્ટાચાર નથી કે તેઓ મારા બેગને લઇને અપડેટ્સ મારી સાથે શૅર કરો.

આ પછી Air India એ પ્રતિક્રિયા આપતા કહ્યુ કે, મિસ ખરબંદા, તમારી બેગ મુંબઇથી ગોવા એરપોર્ટ પર આજે 11.30 કલાકે પહોંચી રહી છે. મહેરબાની કરીને બેગને ડિલિવર કરાવવા તમારી કોન્ટેક્ટ ડિટેઇલ્સ અને ફ્લાઇટ ડિટેઇલ્સ શૅર કરો જેથી અમે તમને સારી રીતે મદદ કરી શકીએ.

આ પહેલા પણ કૃતિએ પોતના ઑફિશ્યલ સોશ્યલ મીડિયા પ્લેટફોર્મ ફેસબુક પર જણાવ્યુ હતુ કે, કેમ્પએગોડા ઇન્ટરનેશનલ એરપોર્ટ પર Air India ના સ્ટાફે તેની સાથે ખરાબ વ્યવહાર કર્યો હતો.