બે દિવસ પહેલા તણાઇ હતી કાર, પોરબંદરનાં ક્લાસીસનાં સંચાલકનો મૃતદેહ મળ્યો,, માતા-પિતા લાપત્તા

આ કાર 29 સપ્ટેમ્બરની રાતે તણાઇ હતી ત્યારે ગઇકાલે સવારે કાર પાણીનાં પ્રવાહમાંથી મળી આવી હતી.

પોરબંદર: પોરબંદરના જાણિતા ટ્યુશન ક્લાસિસ શિવમ ક્લાસિસના સંચાલક વિરેન મજીઠીયા અને તેના માતા-પિતા 29 સપ્ટેમ્બરના રોજ જામનગરથી પોરબંદર તરફ કારમાં આવી રહ્યા હતા. ત્યારે સોઢાણા ગામ પાસે પૂરના પાણીમાં તેનીકાર તણાઇ હતી. આજે વિરેનનો મૃતદેહ મળી આવ્યો છે જ્યારે તેના માતા-પિતા હજુ લાપત્તા છે અને તેની શોધખોળ ચાલી રહી છે. એનડીઆરએફ એને ફાયર બ્રિગેડની ટીમ દ્વારા શોધખોળ હાથ ધરાઇ છે.

વર્તુ -2 ડેમનાં 17 દરવાજા ખોલાવાને કારણે આ દૂર્ઘટના બનવાનું સામે આવ્યું હતું. પોરબંદરના એમ.જી. રોડ ઉપર શિવમ ક્લાસિસ નામના ટ્યુશન ક્લાસિસ ચલાવતા લોહાણા યુવાન વિરેન મજીઠીયા અને તેના માતા-પિતા 29 સપ્ટેમ્બરની રાત્રિના જામનગર તરફથી પોરબંદર આવી રહ્યા હતા. ત્યારે સોઢાણા નજીક કુંજવેલ તરીકે ઓળખાતા મુખ્ય રસ્તા ઉપર બેથી અઢી ફૂટપાણી વચ્ચે તેમની કાર તણાવા લાગી હતી. જોતજોતામાં આ કાર પાણીમાં ગરક થઈ ગઈ હતી.