SBIની આ સ્કીમ હેઠળ ડિપોઝિટર્સને દર મહિને એક ફિક્સ્ડ ઇનકમ મળે છે

નવી દિલ્હી : ભારતીય સ્ટેટ બેંક પોતાના ગ્રાહકો એન્યુટી ડિપોઝિટ સ્કીમ ઑફર કરે છે જે હેઠળ દર મહિને એક ફિક્સ્ડ ઇનકમ થાય છે. SBIની આ સ્કીમ હેઠળ ડિપોઝિટર્સને દર મહિને એક ફિક્સ્ડ ઇનકમ મળે છે. તેના માટે તેમને એક વાર જ બેંકમાં રકમ ડિપોઝિટ કરાવવાની હોય છે. SBIની આ સ્કીમ તે લોકો માટે છે જે પોતાની બચતની મદદથી દર મહિને એક નિયમ આવક મેળવવા માંગે છે. આવો જાણીએ આ સ્કીમ હેઠળ મળનારા વ્યાજથી લઈને અવધિ સહિત અન્ય જાણકારીઓ વિશે...

SBIની ઑફિશિયલ વેબસાઇટ પર આપવામાં આવેલી જાણકારી મુજબ, આ સ્કીમ હેઠળ ડિપોઝિટર્સને દર મહિને EMI તરીકે એક નિયત રકમ આપવામાં આવે છે. તેમાં પ્રિન્સિપલ અમાઉન્ટની સાથે વ્યાજ પણ હોય છે. આ પ્રકારે એકાઉન્ટ હોલ્ડરને તેની ડિપોઝિટની સાથોસાથ વ્યાજ પણ મળે છે. આ સ્કીમ હેઠળ બેંક ડિપોઝિટ જમા કરાવવાથી આગામી મહિનાથી જ વ્યાજ આપવાનું શરૂ કરી દે છે. માની લો કે આપે આ સ્કીમ હેઠળ 28 ફેબ્રુઆરીએ ડિપોઝિટ કરાવ્યું છે તો તેની પર તમને 27 માર્ચથી જ વ્યાજ મળવાનું શરૂ થઈ જશે.
 
કેટલી રકમ ડિપોઝિટ કરવાની રહેશે? - SBIના એન્યુટી ડિપોઝિટ સ્કીમ હેઠળ મહત્તમ ડિપોઝિટની કોઈ લિમિટ નથી. પરંતુ આ સ્કીમનો લાભ લેવા માટે એકાઉન્ટ હોલ્ડરને ઓછામાં ઓછા 25 હજાર રૂપિયા આ સ્કીમ હેઠળ ડિપોઝિટ કરાવવું અનિવાર્ય છે.

કેટલું વ્યાજ મળશે? - આ સ્કીમ પર મળનારું વ્યાજ ફિક્સ્ડ કે ટર્મ ડિપોઝિટ જેટલું જ હશે. સાથોસાથ તે એ વાત પર આધાર રાખે છે કે આ સ્કીમ માટે ડિપોઝિટર કઈ અવધિને પસંદ કરે છે. હાલમાં રિવાઇઝ્ડ વ્યાજ દર બાદ, 1થી 10 વર્ષની વચ્ચે મેચ્યોર થનારી એફડી પર આ બેંક 6 ટકાના દરે વ્યાજ આપે છે. એવામાં 36 મહિના, 84 મહિના કે 120 મહિના માટે SBI એન્યુટી ડિપોઝિટ સ્કીમ પર 6 ટકાના દરથી વ્યાજ મળશે.

અવધિ : SBI એન્યુટી ડિપોઝિટ સ્કીમમાં ગ્રાહકોને અનેક મેચ્યોરિટી પીરિયડનો વિકલ્પ મળે છે. ડિપોઝિટર્સની પાસે વિકલ્પ હોય છે કે તેઓ 3થી 5 વર્ષ, 7 વર્ષ અને 10 વર્ષના વિકલ્પમાં કોઈ એક વિકલ્પને પસંદ કરે.

પ્રીમેચ્યોર પેમેન્ટ : SBIની વેબસાઇટ મુજબ, SBI એન્યુટી ડિપોઝિટ સ્કીમ હેઠળ પ્રીમેચ્યોરિટી પેમેન્ટ માત્ર ડિપોઝિટરના મોત બાદ જ મળી શકશે.

અન્ય સુવિધાઓ : આ સ્કીમ હેઠળ ડિપોઝિટર્સને નૉમિશેનની સુવિધા મળે છે. ડિપોઝિટર તરીકે આપને ઓવરડ્રાફ્ટ કે લોનની સુવિધા પણ મળશે. લોનની રકમ ડિપોઝિટના 75 ટકા સુધી થઈ શકે છે.