૨૦ લાખ કરોડ ના આર્થિક પેકેજે શેર બજાર માં તેજી. નિફ્ટી ૯૪૦૦ ની સપાટી પાર.

નિફટીની પણ આગેકૂચ: બેન્ક, મીડિયા, એફએમસીજી, રિયલ્ટી સહિતના શેરોની હરણફાળ કોરોના મહામારીને કારણે પાટા પરથી ઉતરી ગયેલી અર્થવ્યવસ્થાને ફરી પૂરપાટ દોડાવવા માટે વડાપ્રધાન નરેન્દ્ર મોદી દ્રારા રાષ્ટ્ર્રજોગું સંબોધન કરીને ૨૦ લાખ કરોડના પેકેજની જાહેરાતને શેરબજારે સલામી આપી હોય તેવી રીતે આજે ખુલતી બજારે જ સેન્સેકસમાં ૧૪૭૦ પોઈન્ટનો ઉછાળો નોંધાઈ ગયો હતો. યારે નિફટીએ પણ લૂમેઝૂમે આગેકૂચ કરી હતી. જો કે કારોબાર આગળ વધતાં જ તેજીમાં થોડો ઘટાડો જોવા મળ્યો હતો. હાલ આ લખાઈ રહ્યું છે ત્યારે સેન્સેકસ ૬૧૧ પોઈન્ટના ઉછાળા સાથે ૩૧૯૮૨ અને નિફટી ૧૬૯ પોઈન્ટના વધારા સાથે ૯૩૬૬ ઉપર કારોબાર કરી રહ્યો છે. આજે સેન્સેકસ અને નિફટી–૫૦ના તમામ સ્ટોક પોઝીટીવ કારોબાર કરી રહ્યા છે. સેકટોરિયલ ઈન્ડેકસની વાત કરવામાં આવે તો આઈટીને બેદા કરતાં બેન્ક નિફટી, મીડિયા, પ્રાઈવેટ બેન્ક, પીએસયુ, બેન્ક, રિયલ્ટી, એફએમસીજી સહિત તમામ સેકટર પોઝીટીવ કારોબાર કરતાં જોવા મળી રહ્યા છે. બીજી બાજુ અમેરિકી શેરબજારના ડાઉ જોન્સ, નેસ્ડેક અને એસ એન્ડ પી નેગેટિવ કારોબાર સાથે બધં થયા હતા.