આદિપુર: વિદ્યાર્થીએ સગીરાની વીડિયો ક્લીપ ઉતારી પોર્ન વેબસાઇટ પર અપલોડ કરી

ગાંધીધામ:આદિપુર ખાતે એક શરમજનક ઘટનામાં 15 વર્ષની એક સગીરા સાથે બાંધવામાં આવેલા સંબંધની વીડિયો ક્લીપ એક પોર્ન વેબસાઇટ પર અપલોડ કરી દેવામાં આવતાં ચકચાર ફેલાઇ છે. સાથે જ ભણતા સહધ્યાયી દ્વારા આ કાંડ થતાં સગીરાના વાલીઓ ચોંકી ગયા હતા અને તેમણે કિશોરને પૂછતાછ કરતાં તેણે 1500 રૂપિયામાં ક્લીપ વેચી નાખી હોવાનું કબૂલી લીધું હતું. આ લખાય છે ત્યાં સુધી પોલીસમાં ફરિયાદ થઇ નથી.

યુવતી સાથે સંબંધ બાંધ્યો હતો અને તેની વીડિયો ક્લીપ પોતાના મોબાઇલથી ઉતારી લીધી સૂત્રોમાંથી મળતી માહિતી મુજબ આદિપુર ખાતે રહેતા એક પરિવારની 15 વર્ષીય પુત્રી અત્રેની એક શાળામાં ધોરણ-8માં અભ્યાસ કરે છે, આ સગીરાને સાથે જ ભણતા એક કિશોર સાથે આંખ મળી ગઇ હતી, જેનો લાભ લઇ આ કિશોરે ગત 15મી ઓગસ્ટના આ યુવતી સાથે સંબંધ બાંધ્યો હતો અને તેની વીડિયો ક્લીપ પોતાના મોબાઇલથી ઉતારી લીધી હતી. બનાવ બાદ નેટના સહારે તેણે હોમમેડ ક્લીપો ખરીદ કરતી એક પોર્ન સાઇટ પર 1500 રૂપિયાની લાલચમાં આવી જઇ તેણે આ ક્લીપ અપલોડ કરી નાખી હતી. બનાવ બાદ તેણે પોતાના મિત્રો પર રૂઆબ છાંટવા આ ક્લીપ બતાવી હતી, જે સંબંધે યુવતીના વાલીઓને જાણ થતાં તેમણે વાયા-મીડિયા આ કિશોરનો સંપર્ક કરી ક્લીપ જોઇ હતી . આદિપુરમાં આ જ રીતે બ્લેકમેઇલિંગ થયું હતું આદિપુરમાં થોડા સમય પહેલાં આ જ રીતે મહિલાઓ દ્વારા શીશામાં ઉતારી 22થી 25 જેટલા યુવકોના જન્મજાત અવસ્થામાં ફોટો પાડી લઇ તેમની પાસેથી મોટી રકમો ખંખેરવામાં આવી હતી, જે બનાવ હજુ તાજો છે. આ બનાવમાં 3 મહિલાઓ પણ ઝડપી લેવામાં આવી હતી. માધાપર અને ગાંધીધામના જ 2 શખ્સો દ્વારા પોલીસમાં ફરિયાદ આપવામાં આવ્યા બાદ એલ.સી.બી.એ યુવકોને ઝડપી લીધા હતા, જે યુવતીઓએ શોધેલા શિકાર પર પોલીસ બનીને રોફ જમાવી, રેડ કરતા હોય એ રીતે ધસી આવી, બાદમાં તોડ કરતા હતા. ઉલ્લેખનીય છે કે, એ સંબંધે પણ દિવ્ય ભાસ્કરે સૌપ્રથમ વખત ભાંડાફોડ કર્યો હતો.