સુરત : બનાવટી ગુટખા સહિતની સામગ્રી સાથે એક શખ્સની અટકાયત

સુરતના ઉધના ખાતેથી બનાવટી ગુટખા બનાવવાના મસમોટા રેકેટને પોલીસે ઝડપી પાડ્યુ છે. પોલીસે અલગ અલગ બ્રાન્ડના બનાવટી ગુટખા સહિતની સાધન સામગ્રી સાથે એક શખ્સની અટકાયત કરી છે. ઉધનાની ચંદ્રદીપ સોસાયટીમાં એક મકાનમાં બનાવટી ગુટખા બનાવવાનું કારખાનું ધમધમી રહ્યું હતુ.

ત્યાં પોલીસે દરોડા પાડી બ્રાન્ડેડ કંપનીના ગુટખા સહિતની તમાકુ, સોપારીનો જત્થો અને બનાવટી ગુટખા બનાવવામાં ઉપયોગી કેમિકલ સહિતની સામગ્રીઓ મળી આવી હતી.

આ સાથે જ ઘટના સ્થળથી પોલીસે એક શખ્સની અટકાયત પણ કરી હતી. બનાવટી ગુટખા નો આ કારોબાર કેટલા સમયથી ચાલી રહ્યો હતો અને આ કારોબારમાં અન્ય કેટલા લોકો સંડોવાયેલા છે તે અંગે ઉધના પોલીસે તપાસ શરૂ કરી છે.