હવે ક્રિકેટ કેવી રીતે અને ક્યારે થશે તે અત્યારે નક્કી કરી ન શકાય : BCCI

ભારતીય ક્રિકેટ બોર્ડે કોવિડ -19 રોગચાળાએ ઊભી કરેલી પરિસ્થિતિ અંગે કહ્યું હતું કે, ક્રિકેટ ફરી શરૂ થવા અંગે કંઇપણ કહેવું મુશ્કેલ થશે. પરંતુ સંભાવના છે કે ભારતીય ટીમ વર્ષના અંતમાં ઓસ્ટ્રેલિયાના પ્રવાસે જઈ શકે. ઓક્ટોબરમાં પ્રસ્તાવિત આ પ્રવાસ વિશે કોષાધ્યક્ષ અરુણ ધૂમલનું કહેવું છે કે અહીં પહોંચ્યા બાદ ભારતીય ખેલાડીઓને અલગ રહેવું પડી શકે છે. પરંતુ દરેક વિદેશ પ્રવાસ પહેલા આમ કરવું શક્ય નથી.
તેમણે વધુમાં ઉમેર્યું હતું કે તે સમયે સ્થિતિ શું હશે તેનો અંદાજ લગાવી શકાય નહીં. પરંતુ હાલ તો ઓસ્ટ્રેલિયાનો પ્રવાસ થાય તેવી સંભાવના છે. કારણ કે હજુ તેને રદ્દ કરાયાની જાહેરાત કરવામાં નથી આવી.